Mörg fyrirtæki þekkja ekki fyllilega hverjar eru helstu áhætturnar í eigin rekstri. Þau hafa grun um það og telja sig vera að bregðast við því sem skiptir máli en hafa þó ekki farið í gegnum raunverulega greiningu á þeim áhættum. Önnur þekkja hugsanlega áhætturnar en eru enn að velja forgangsröðun eftir því hver hefur hæst, í stað þess að forgangsraða aðgerðum eftir áhættustigi. Síðan eru fyrirtæki sem fóru í gegnum raunverulega áhættugreiningu fyrir mörgum árum og telja sig þess vegna hafa ágætis sýn á stöðuna, án þess þó að hafa endurskoðað nýlega hver staðan er í dag.

 

Fyrir öll þessi fyrirtæki getur þekking ION verið mikilvæg.

​

Við vinnum eftir þekktri aðferðafræði við að finna hver eru helstu verðmæti fyrirtækis, hver eru stuðningsverðmætin og hvaða áhættur geta haft áhrif á að þessi verðmæti virki sem skyldi. Við aðstoðum við að setja upp það stjórnskipulag sem þarf til að áhættur og verkefni komist í réttan farveg og verði leyst.

​

Undanfarin misseri höfum við líka farið í gegnum áhættumat sem er sérstaklega tengt við ný persónuverndarlög (GDPR). Í þeim verkefnum er vinnsla persónuupplýsinga undirstaðan í skilgreiningu á verðmætum og helsta áherslan er hvernig er unnið með persónuupplýsingar starfsfólks, viðskiptavina eða annarra.

​

Önnur verkefni sem við höfum tekist á við erum margskonar:

• Tilfallandi áhættumat, til dæmis vegna nýlegra eða yfirvofandi breytinga

• Heildaráhættumat fyrirtækis, til að vita raunstöðuna

• Uppbygging áhættustýringar, með stjórnskipulagi og öðru sem fylgir.